Успомнім усіх пайменна. Мітынг, прысвечаны чарговаму Дню ўсенароднай памяці ахвяр Вялікай Айчыннай вайны і генацыду беларускага народа, прайшоў у Баранавічах 22 чэрвеня

Пакланіцца памяці тых, хто падарыў нам свабоду і незалежнасць, ачысціў зямлю ад нямецка-фашысцкіх захопнікаў, ля помніка воінам-вызваліцелям у Баранавічах сабраліся кіраўніцтва горада, сілавых структур, прадстаўнікі грамадскіх аб'яднанняў і проста неабыякавыя гараджане – усе тыя, для каго 22 чэрвеня назаўжды застанецца днём трагедыі, болю і смутку. Тыя, хто памятае праз што давялося прайсці беларускаму народу на шляху да квітнеючай Беларусі.

Прадстаўнікі Баранавіцкага цэнтра стандартызацыі, метралогіі і сертыфікацыі ўсклалі кветкі да помніка воінам і партызанам, якія вызвалялі г.Баранавічы ад нямецка-фашысцкіх захопнікаў, прынялі ўдзел ва Усебеларускай хвіліне маўчання.